Manang Biday: An Ilocano Folk Song

Manang Biday, ilucat mo man
Ta bentanam icalumbabam
Ta kitaem toy cinayawam
Ay matay acon no dinac caasian

Siasinno ca nga aglabas-labas
Ditoy hardin co pagay-ayamac
Ammon ngarud nga balasang ac
Sabong ni lirio, dipay nagucrad


Denggem ading ta bilinenka
ta incanto diay sadi daya
agalacanto't bunga't mangga,
ken lansones pay, adu nga cita


No nababa dimo gaw-aten,
no nangato dica sucdalen,
no naregreg dica piduten,
ngem labaslabasamto pay laeng


Daytoy panioc no maregreg co
Macapidot isubli nanto
ta nagmarca iti naganko
nabordaan pay ti sinampuso


Alaem dayta cutsilyo
ta abriem toy barucong co
tapno maipapasmo ti guram
kaniak ken sentimiento